Dhismo ayaa ku gubtay xaley Pähkinärinne oo ah xaafad ku taalla Vantaa – heeganka xaaladaha sooshalka iyo xasaradaha ee nawaaxiga nolol-wanaagga ayaa taageero siinaysa cidda u baahan

Ajankohtaista

Pähkinärinne oo Vantaa ku taalla ayuu ka kacay habeenimadii u dhaxeysay isniinta iyo salaasada. Dabkaasi cabirkiisu dhexdhexaad dhanka waynida xiga ah ayuu ahaa. Dabka waxaa ku dhintay shan qof. Xarunta badbaadinta ee Keski-Uusimaa ayaa guddoontay oo mas’uul ka ahayd shaqada badbaadinta iyo gurmadka degdegga ah. Mas’uuliyadda wargelinta xaaladda la xidhiidha waxaay saarantahay booliska.

Dhacdooyinka noocan ah waa kuwo qofka ku dhaliya dareemo iyo fikrado kala duwan, waxaana muhiim ah in dadka qofka u dhow uu qofku kala sheekaysto dareenkiisa. 
 
“Arrintani waa mid xattaa carruurta su’aalo badan ku dhalin karta, waxaayna carruurtu xaaladdan oo kale marka ay ku jiraan u baahanyihiin inay helaan wehelka iyo garabsiinta qofka wayn. Waxaa wanaagsan in carruurta iyo dhallinyartaba si furfuran loola sheekaysto iyadoo da’dooda lagu tixgalinayo qaabka loola sheekaysanayo. Sida ugu wanaagsan ee ay waalidku jawi ammaan ah u abuuri karaan waa inay ilaaliyaan nidaamka iyo jadwalada nolosha maalinlaha”, sidaas ayaay sheegaysaa maamulaha heeganka sooshalka iyo xasaradaha ee Henna Niskanen. 

Halkee ayaa caawimaad laga heli karaa? 

  • Haddii aad ka mid tahay dadka xaafaddaas deggan ama aad ka tirsantahay ehelka iyo asxaabta dhibbaneyaasha, waxaad la xidhiidhi kartaa heeganka sooshalka iyo xasaradaha ee nawaaxiga nolol-wanaagga oo lambarkoodu yahay 09 4191 5800. Heeganka sooshalka iyo xasaraduhu waa mid adeeggiisa la heli karo wakhti kasta oo maalinta ka mid ah.
  • Dadka kale waxaay la xidhiidhi karaan heeganka sooshalka iyo xasaradaha ee nawaaxiga ay iyagu ku noolyihiin ka jira ama taleefan lambarka xasaradaha ee ururka Mieli ry oo ah 09 2525 0111. Taleefanada dalka oo dhan ee Mieli ry 
  • Laanqeerta Cas (Punainen Risti) ayaa dhallinyarta iyo qoysaska siinaysa caawimaad sheekaysi ah oo la xidhiidha xaaladaha xasaradaha daran, waxaana laga helayaa guriga badbaadada ee Laanqeerta cas ee Vantaa-Kerava wadahadalkaasi wuxuu noqon karaa mid fool ka fool ah ama mid internetka ka dhacaya oo Nettiturvis lagu suurta galiyay.
  • Wadahadalka fool ka foolka ah ballantiisa sida ugu fiican ee loo heli karo waa in la soo waco taleefankan 050 339 5413, ama Whatsapp ahaan: +358 50 339 5413. Nettiturvis ballamaha waxaa laga qabsan karaa meel walba oo Finland laga joogo: Nettiturvis - Laanqeerta cas (Punainen Risti). 
  • Kaniisadda Hämeenkylä ayaa furan. Kaniisadda waxaa ka jirta fursad sheekaysi iyo aamusidba waxaana goobta jooga baaderiyo iyo shaqaalaha arrimaha bulshada kaniisadda u qaabilsan (diakoni). Maanta 3.3. saacadda 18 waxaa kaniisadda Hämeenkylä lagu qabanqaabinayaa munaasabad aamusid ah.
  • Ardayda iskuulka dhigata iyo ardayda ku nool aagga waxay la xiriiri karaan shaqaalaha taageerada ardayda ee iskuulkooda, sida kormeerayaasha iyo cilmi-nafsiga.

  • Sidan ayaad u taageertaa ilmaha xaalad adag ama qalalaase:

    Nain-tuet-lasta-kriisitilanteessa-somali.pdf(pdf, 147.32 KB)

”Waxaan rabaa inaan u tacsiyadeeyo ehelka iyo asxaabta dadka ku geeriyooday dabkaas. Dhacdadani waa mid dhammaanteenba inna argagax galinaysa. Heeganka sooshalka iyo xasaradaha ayaa taageero u qabanqaabinaya dadka caawimaadda u baahan”, sidaas ayuu sheegayaa maamulaha nawaaxiga nolol-wanaagga oo ah Timo Aronkytö. 

Nawaaxiga nolol-wanaagga ee Vantaa iyo Kerava ayaa wadashaqayn xooggan la sameynaya sarkaalada kale ee dowladeed si xaaladda loo xalliyo. Heeganka sooshalka iyo xasaraduhu wuxuu sidoo kale la shaqeynayaa dugsiyada iyo xannaanooyinka.

Heeganka sooshalka iyo xasaraduhu wuxuu mas’uul ka yahay inuu u qabanqaabiyo dadka ay xaaladdan dabku la kulantay ee u baahan deggenaansho degdeg ah iyo inuu bixiyo taageero saykosooshal ah. Taageerada saykosooshalku waa mid xoogga lagu saarayo wadashaqaynta lala yeelanayo ehelka iyo asxaabta dhibbaneyaasha. Heeganka sooshalka iyo xasaraduhu wuxuu aasaasayaa xarun xasaradeed. Waxaa xaruntaas lagu soo hagi doonaa dadka dhismaha laga soo faaruqiyay. 

Nawaaxiga nolol-wanaagga Vantaa iyo Kerava xarunta ka shaqaysa ee badbaadinta ee Keski-Uusimaa ayaa qabatay shaqada badbaadinta iyo gurmadka degdegga ah xaaladdaas markii lagu jiray. 

Booliska ayaa ka mas’uul ah hoggaaminta iyo wargelinta xaaladdan. Dab wayn ayaa ka dhacay Pähkinänrinne oo ku taalla Vantaa – Booliska 

Cusboonaysiin: 

  • 11:39: macluumaad dheeraad ah: ardayda iskuulka dhigata iyo ardayda ku nool aagga waxay la xiriiri karaan shaqaalaha taageerada ardayda ee iskuulkooda
  • saacadda 10.24: waxaa lagu daray warbixinta khuseysa aasaasidda xarunta xasaradaha.  
  • saacadda 10.15: waxaa lagu daray warbixinta khuseysa munaasabadda aamusidda ee kaniisadda Hämeenkylä.